BELÉN RECICLADO
Este trimestre os alumnos de Tecnoloxía da E.S.O. xunto co resto de rapaces do colexio participaron na elaboración dun Belén reciclado para celebrar o Nadal.
Concretamente os rapaces da E.S.O encargáronse do deseño e construción das edificacións ( O Portal, o castelo e as casas) que se fixeron integramente en cartón e seguindo o deseño das construción da época e da rexión.
Aquí temos a algúns dos rapaces 
traballando no taller de Tecnoloxía:
Eloy, que fixo un castelo moi fermoso, Carolina e Laura decorando as casas e Juan e Adrián pegando o Portal de Belén:
Tamén se encargaron de facer a correspondente instalación eléctrica para a
iluminación poñéndolle a cada edificio un portalámpadas e unha lámpada no seu interior e conectándoas todas en paralelo para evitar que se apagasen todas no caso de que algunha se fundise.
Por outra parte, tamén se encargaron do deseño e elaboración duns paneis de cartón para a ambientación:
- O primeiro cubríronno con papel negro para simular o firmamento de noite e nel fixeron un buraco coa forma da estrela de Belén que iluminaron de dúas formas diferentes. Por unha banda, cunha lámpada cuxa luz atravesaba o buraco da estrela a través dun papel cebola laranxa que lle fai un efecto moi fermoso; e por outra banda, rodearon o perímetro da estrela cun circuíto de díodos LED amarelos conectados en paralelo a un xerador de onda cadrada que os fai acenderse e apagarse de maneira intermitente según lles chegue o semiciclo positivo ou negativo da onda (xa sabedes que os díodos polarízanse en directa ou en inversa según lles chegue tensión positiva ou negativa ao ánodo), simulando o titileo das estrelas reais.
Este é o xerador de onda que se usou,cunha onda cadrada con 20kHz de frecuencia:
- Para facer o outro panel decorativo tamén utilizaron cartón. Neste caso recortaron o contorno das montañas e cubriron o cume con boliñas de porexpan para simular a neve. Este panel colocáronno uns dez centímetros adiantado con respecto ao do firmamento para conseguir o efecto de profundidade. Para lle dar máis realismo puxeron un circuíto de lámpadas, tamén en paralelo, entre o panel das montañas e do firmamento, así conseguían simular a luz do anoitecer nas montañas, cando comenzan a saír as estrelas no firmamento.
Nesta foto vemos a Ángel pegando o porexpan no panel das montañas:
E o resultado final foi este: Gústavos?
